Татарстан дәүләт шурасы рәисе Фәрит Мөхәммәтшин БДБ һәм Балтыйк буе илләреннән килгән ветераннар белән очрашты. Проблемаларны чишүдә кулыннан килгән кадәр тырышачагын белдерде. Яшьләрне Казанга укырга чакырды.
95 яшьлек Татарстанның халык артисты моң керәшен татарларында күбрәк сакланган, дип белдерә. Татарча опералар куелмауга да борчыла. Киләчәктә җыр язучы талантлар чыгар, халык талантсыз булмый, ди.
Республикада 350 мең гектар уҗым юкка чыккан. Әтнә районы авыл хуҗалыгы идарәсе башлыгы Хәмит Галимҗанов: “Язның болай килүен хәтерләмим”, дип белдерә. Татарстанның агрохезмәткәрләре яз чәчкәне дә исән калса ярар иде, дип борчыла.
Ла-Манш бугазының бер ярыннан икенче ярына кадәр булган араны 3 тапкыр йөзеп чыктылар. 8 май көнне иртәнге 8 сәгать 30 минутта башланган эстафета нәкъ бер тәүлек буе дәвам итте. Анда нәкъ 1000 кеше катнашты.
9 май алдыннан сугыш еллары җырлары, көйләре барланды. Татар дәүләт фольклор үзәге мөдире Фәнзилә Җәүһәрова: “Татарның рухы булган җырларга да мәдхия кирәк”, дип белдерә.
Татар милләте репрессиягә ныграк дучар булган. Күп каһарманнарның батырлыгы исәпкә алынмаган. Тылда бер башак, бер бәрәңге алган өчен дә төрмәгә утыртканнар. 282 мең 500 кеше ач-ялангач килеш Казаннан ерак булмаган җирдә саклану чокырлары казыган.
“Созвездие-Йолдызлык-2010” яшьләрнең республика күләмендәге телевизион эстрада сәнгате фестивале тәмам. Бу чара 10нчы тапкыр үтте. Җиңүнең 65 еллыгына багышланды. Йолдызлык чирен йогышлы дип белдерүчеләр дә бар.
Ноябрьски, Омски, Төмән, Түбән Варта, Чиләбе, Ялутрның татар яшьләре минифутол һәм волейбол ярышында катнашты. Бу чараны яшьләр үзләре оештырган, чыгымнарны да үзләре каплаган.
Татарстан республикасы дәүләт киңәшчесе Миңтимер Шәймиев 28 апрель көнне Зөядә булды. Җомга көнне исә Болгарга җыена. Татарстанның тарихи һәм мәдәни истәлекләрен торгызу “Яңарыш” вакыфының багучылар шурасы рәисе “эш башларга вакыт” дип белдерә.
Болгарда ислам динен кабул итүне мәңгеләштерүче мәчет төзелергә мөмкин. Монда Икмәк музее ачылачак. Бу хакта Борынгы Болгар һәм Зөя кала-утравындагы кайбер корылмаларны төзекләндерү программасын тәкъдим итү киңәшмәсе вакытында әйттеләр.
Казанда спорт белән шөгыльләнү урыны булдыручы эшмәкәрнең арендага алган җирен башкаларга биргәннәр. Чаңгы-вело үзәге хезмәткәрләре үз хокукларын яклап пикетка чыкты. Шәһәр түрәләре исә спортка игътибар зур дип хисап тота.
Сынчы Асия Миңнуллина “Качаловка һәйкәл” һәм “Хәйриячегә һәйкәл” әсәрләре өчен Татарстанның Габдулла Тукай исемендәге дәүләт бүләгенә тәкъдим ителде. Аның бу ике әсәре дә тирән мәгънәгә ия. Катламнарга бүленә торган заманда бигрәк тә, ди автор.
Композитор Шамил Тимербулатов “Җиңүнең назлы сурәте” һәм “Минем Казаным” әсәрләре өчен Тукай бүләгенә тәкъдим ителде.
“Туристлык индустриясе”нә багышланган халыкара күргәзмәдә катнашучы шәһәрләрнең вәкилләре үзләренә чакырды, эре тур операторлар чит илләрнең диңгез буе ялларын мактады. Казанда әлеге күргәзмә 15нче тапкыр үтә.
Русиядә UNESCO исемлегендәге бер генә мәдәни мирасның да документы юк икән. Казанда Русиядәге UNESCO исемлегенә кергән корылмалар һәм аларны саклауга багышланган түгәрәк өстәл сөйләшүе үтте.
Татарстан вәкилләре Һиндстанга сәфәрләренең соңгы көнендә уртак ширкәт “Kamaz-Vectra Motors Ltd”ны тәкъдим итү чарасында катнашты. Татарстан һәм Һиндстанның Андхра-Прадеш штаты арасындагы хезмәттәшлеге дә ныгыячак.
Баянчы, композитор, галим Владимир Федотов “Дустыма”, “Баянның сихри моңнары” җыентыклары һәм концерт программалары өчен Тукай бүләгенә тәкъдим ителде. Ул халык уен коралларын күтәрү өчен Русиянең махсус программасы булырга тиеш ди.
Казанда беренче тапкыр татар морзалары һәм дворяннары тарихына һәм аларның нәселен дәвам итүчеләргә багышланган фәнни конференция булды. Әлеге җыенда катнашканнар бу чараны тарихи вакыйга, дип атый.
“Чыңгызхан” иҗат берләшмәсе рәссамы Расих Әхмәтвәлиев Казанда танылу өчен башта дөньяны яуларга кирәк дигән карашта. Алар 2010 елда Габдулла Тукай исемендәге Татарстан дәүләт бүләген алырга теләүчеләр исемлегендә.
Казанда һәм Алабугада узачак җыелышлар вакытында шәһәрдәге музей-тыюлыкны ЮНЕСКО исемлегенә тәкъдим итү мәсьәләсе каралачак. Алабугада музей комплексы булдыручылар Русия хөкүмәте бүләгенә дә ия булды.
дәвам
