Кырым милләтләр эшләре дәүләт комитеты каршындагы консультатив шура кырымтатар телендәге китапларны нәшер итү турында утырыш уздырды. 2 декабрьдә узган бу утырышта 2013-2014 елларда бюджет хисабына нәшер ителгән һәм ителәчәк китапларның җәдвәле каралды. Сүзгә чыккан Кырымның милләтләр эшләре дәүләт комитетының рәис урынбасары Юрий Космынин чыгару өчен 2013 елда расланган китапларны 2014 елда чыгачак китаплар хисабына кертергә кирәк дигән тәкъдим ясады.