Сөргенгә 70 ел. Матәм чаралары

Кырымтатарларның Сөрген көне алдыннан Русиянең махсус көчләре Акмәчетнең Ленин мәйданында күрсәтмә күнегүләр үткәрде. [ВИДЕО]

Кырымтатар юлбашчысы Мостафа Җәмилев тыюларга карамастан ватандашларын Сөрген көнендә хокукларын яклап мәйданга чыгарга чакырды. Совет чорында да безгә күп нәрсәне тыйдылар, диде ул. Хәзер Киевта булган Җәмилев бу юлы халык белән бергә була алмавына үкенеч белдерде. [АУДИО]

Кырымтатар мәҗлесе 18 майда Акмәчеттә зур җыен үткәрүдән баш тартуга карамастан, шимбә көнне шәһәр үзәге ОМОН көчләре һәм хәрби машиналар белән тулган иде. [ВИДЕО]

Кырымтатар мәҗлесе 18 май көнне Акмәчеттә зур җыен үткәрүдән баш тартты. Мәҗлес рәисе Рифат Чубаров сүзләренчә, бу карар шимбә көнне Мәҗлеснең чираттан тыш утырышында кабул ителгән. Акмәчет үзәгендә зур җыен урынына якшәмбедә Акмәчет бистәсендә Бөтенкырым матәм догасы кылыначак. [ВИДЕО]

Җомга һәм шимбә көннәрендә Акмәчәтнең "кольцевой" юлында бетон блоклар төягән хәрби машиналар күренде. Кырым хакимияте 18 май мәтәм җыенын тыюга карамастан кырымтатарлар Акмәчәткә барыбер җыелыр дип хакимиятләр шәһәргә керү юлларын томаларга җыена дигән шөбһәләр бар. [ВИДЕО]

Кырымтатар мәҗлесе рәисе Рифат Чубаров сөргеннең 70 еллыгы алдыннан Кырымда массакүләм чараларны тыючы фәрманны канунсыз дип атады һәм Русия прокуратурасын Кырым башы Сергей Аксенов чыгарган бу фәрманны тикшерергә чакырды. Мәҗлес матәм җыены турында карарын шимбә көнне кабул итәчәк. [ВИДЕО]

Казанда II Бөтендөнья татар хатын-кызлары корылтаенда Кырымнан да укытучы, сәнгатькәрләр, журналист ханымнар катнаша. Алар милләтнең ватаннарында тынычлыкта яшәвен теләгәннәрен әйтте. Корылтай беткәнче үк ханымнар кире Кырымга кайтып китәчәк, чөнки "кайгылы вакыйганы искә алу көнендә без милләтебез белән бергә булырга тиеш", ди алар. Балаларны милләтпәрвәр итеп тәрбияләү эшендә алар әни кешенең роле бик зур, дип саный. [ВИДЕО]

Русия кеше хокуклары вәкиле Элла Памфилова кырымтатарлары белән очрашырга теләвен белдерде.