Сөргенгә 70 ел. Матәм чаралары

Яңгырлы көн булуга карамастан Акмәчет бистәсенә җирле мәчет янындагы мәйданга 10 меңләп кеше җыелды. Күбесенең кулында кырымтатар байрагы иде. Чара дәвамында алар "Ватан. Милләт. Кырым" дигән шигарләр кычкырды. Күктә боралаклар очып торды. Чарада Мәҗлес рәисе Рифат Чубаров, Татар конгрессы җитәкчесе Ринат Закиров чыгыш ясады. [ВИДЕО]

18 май Чаллыда кырымтатарларга теләктәшлек пикеты үтте. Чарада Чаллы, Түбән Кама, Алабуга вәкилләре, барлыгы 50ләп кеше катнашты. [ВИДЕО]

Кырымтатарлар сөргененең 70 еллыгын Казанда да билгеләделәр. Милли хәрәкәт активистлары Сәяси золым корбаннары һәйкәле янында матәм митингын уздырды. Чара сөрген корбаннары рухына дога кылу белән тәмамланды. [ВИДЕО]