"Җәйге Иртеш моңнары" фестивале

14-15 июнь көннәрендә Казакъстан республикасының Семей шәһәрендә 14нче мәртәбә татар сәнгате фестиваль-бәйгесе үтте. Быелгы фестивальдә катнашучылар һәм кунаклар саны 500дән артык булды. Алар Казакъстанның Алма-ата, Астана, Семей, Уральски, Усть-Каменогорски, Актүбә, Атырау шәһәрләреннән, Русиянең Новосибирски, Омски, Тубыл, Красноярски шәһәрләреннән һәм Татарстаннан килгән иделәр. Семей шәһәре катнашучылары, асылда, Татар сәнгать мәктәбеннән булдылар.